دجاج مع الخضار بالفرن وأرز ولا أحلى

دجاج > مقادير حشو الدجاج (جزر مبشور - بصل مفروم - فلفل حار او بارد - ثوم + زنجبيل مدقوق - كزبرة مفرومه - نص ليمونه - صويا صوص - ملح وبهارات مشكله المفضله لديك)قسمي الحشو الى جزئين جزء لحشو الدجاج ضعي مقدار منها بين جلد ولحم الدجاجه
والجزء الثاني نضيف له اي خضار موجوده لديك( كوسا بطاطس خضار مشكله مثلجه زهرة ) الحشوة ماخذتنا من وحده مادري اي منتدى الله يجزيها الخير× أرز مغسول ( بصل مفروم - فلفل حار - بهارات صحيحه - كمون - مكعب ماجي)
الطريقه:

المرحله الاولى
× في صينية فرن مدهونه تحطين الدياي والخضار ونغلفها بالفويل مرتين وتدخلينها الفرن مدة ساعه بالضبط وعقبها نفتح الفويل ونحمر الدياي من فوق
المرحله الثانيه
× في جدر مناسب تقلين البصل مع شوية سمنه او زبده او زيت على راحتج مع الفلفل والبهارات الصحيحه وعقب تحطين الرز المغسول وتضيفين الكمون ومكعب ماجي وتكونين مجهزة ماي حار وتضيفينه على الرز وعقب تشوفين طعم ماي الرز اذا محتاج ملح والا لا,,يوم استوى صفيته ورشيت عليه صبغه ورديته الجدر مرة ثانيه..وعقب ما خلص الدياي حطيته على الرز مع الصوص والخضار وبس وانتي وطريقة تقديمج وعوافي
تفضلوا الصور والسموحه


[url=http://www10.0zz0.com/2009/02/14/13/977995314.jpg]