شبكة اسود الاسلام
الاخوة الكرام:المنتدى منتداكم انشىء لخدمة الاسلام ونصرة النبى عليه الصلاة والسلام فساهموا معنا للنهوض به


استعد رمضان على الابواب
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
المواضيع الأخيرة
» ما لم تشاهده في فيلم عمر المختار
الأربعاء 23 سبتمبر 2015, 3:20 am من طرف ابن الخطاب

» قبل ماتشترى حلويات او مصاصات لاولادك ادخل وشوف
الأربعاء 23 سبتمبر 2015, 3:17 am من طرف ابن الخطاب

» قصه عن ورع الخليفه عمربن عبدالعزيز
الأربعاء 23 سبتمبر 2015, 3:16 am من طرف ابن الخطاب

» جدول العباده فى يوم عرفه
الأربعاء 23 سبتمبر 2015, 3:14 am من طرف ابن الخطاب

» شاهد كيف يتم خداعك فى الافلام
الثلاثاء 22 سبتمبر 2015, 12:54 pm من طرف احمد

» الاسلام مش ارهاب
الثلاثاء 22 سبتمبر 2015, 12:31 pm من طرف احمد

» مهاره سائقى السيارات
الثلاثاء 22 سبتمبر 2015, 12:25 pm من طرف احمد

»  طفل يخاف من خياله(فيديو صغير)
الثلاثاء 22 سبتمبر 2015, 12:21 pm من طرف احمد

» وقت وجوب الأضحيه
الثلاثاء 22 سبتمبر 2015, 12:10 pm من طرف احمد

» ما يجوز في الأضحية و ما لا يجوز
الثلاثاء 22 سبتمبر 2015, 12:10 pm من طرف احمد

أفضل 10 أعضاء في هذا المنتدى
انس البراء
 
الرحيق المختوم
 
خالد بن الوليد
 
ام النونو
 
كوني مع الله
 
أبومهيلا
 
احمد
 
0
 
ابن الخطاب
 
عاشقة الليل
 
بحـث
 
 

نتائج البحث
 
Rechercher بحث متقدم
الساعة الان حسب توقيت القاهرة
عدد زوار الشبكة

:: انت الزائر رقم::

لالا

Free CursorsMyspace LayoutsMyspace Comments
منع النسخ0
فتــــــــــــــــاوى

شاطر | 
 

 قصة ثبات عجيبــــــــــــــــة لفتاة فى الكلية

اذهب الى الأسفل 
كاتب الموضوعرسالة
الرحيق المختوم
عضو سوبر
عضو  سوبر
avatar

تاريخ التسجيل : 16/10/2009
عدد المساهمات : 2074

مُساهمةموضوع: قصة ثبات عجيبــــــــــــــــة لفتاة فى الكلية    السبت 11 يونيو 2011, 12:12 am

ها هى القصة الجديدة :

قصة ثبات عجيبــــــــــــــــة لفتاة فى الكلية

اول سنه ليه فى الكليه كانت الغربه تعبانى جدا جدا جدا وبما ان بلدى بعيدة 7 أو 8 ساعات فكنت دايما بسافر عند أهل أبويه وكنت ماشيه مع الاخوان المسلمين

وكنت فاكره نفسى التزمت خلاص وبقيت الاخت اللى محصلتش وخاصة انى كنت شغالة دعوه فى مساجد البلد وكان لبسى طبعا عبارة عن جيب جينز وطرح لف كبيرة وكنت متخيله كده ان انا فى شدة الالتزام وكنت دايما ماشيه بالمطويات والشرايط فى الشنطه اوزع منها فى كل حته

وكنت طول السنه دى مخططه انى احول عشان افضل مع اخواتى "اللى هم الاخوان"

وقدر الله انى شلت مادتين... فطبعا مينفعش احول

المهم فى اول السنه التانيه وانا راجعه كنت حزينه اوى اوى لفراق الاخوات وفضلت طول طريق السفر ابكى وادعى الله انى اعرف احول وانى اتعرف على اخوات "طبعا كنت مسافره بدون محرم" لانى مكنتش اعرف ان لا يجوز سفر المرأة الا مع ذى محرم

وصلت بورسعيد على المغرب وكان فى رمضان فطرت ونزلت اصلى التراويح

وانا فى المسجد خبطت فى واحده فزعقتلى جامد

فكنت على وشك البكاء

واحده تالته شافت اللى حصل فنادت عليه: اسمك ايه انتى منين والكلام ده

وفى اخر الكلام قالتلى انا عازمه اخوات على الفطار يوم الاتنين الجاى ياريت تيجى معاهم وبعد الصلاة قالتلى استنى لما اشاورلك على البيت

وروحت وانا مش فى دماغى انى اروحلها خااااااااالص لانى اكيد وانا مغتربه مش هروح بيت معرفوش

عدت الايام وجه يوم الاتنين ورجعت من الكليه صليت العصر وقلت انام.......

وبعدين افتكرت الاخت اياها... سبحان الله معرفش ايه اللى قومنى... صليت استخاره اروح ولا ﻷ

وبعد صلاة الاستخاره وبعد حيره شديده لقيت نفسى قمت ولبست ونزلت جرى عشان الحق اروح

وصلت العماره ووقفت تحت وانا خايفه اطلع وبعدين لقيت 3 اخوات والله كنت عمرى فى حياتى ما شوفت زيهم قبل كده

لابسين اسود فى اسود وهدوم واسعه قوى وبتجرجر فى الارض ومش باين منهم اى حاجه ولا حتى عنيهم

اول ما شفتهم حسيت بحاجه غريبه اوى اوى جوايا

المهم دخلنا للاخت وهى بتحط الفطار اتكلموا معايا

فأول حاجه قلتهالهم وكنت بقولها بكل فخر "على فكرة انا من الاخوان المسلمين"

يعنى بالبلدى كده محدش احسن من حد انا برضه ملتزمه زيكم

لقيتهم ابتسموا كلهم لكلامى وسكتوا

قعدت الح عليهم انتو ضحكتوا ليه انتو ضحكتوا ليه

فقالتلى واحده منهم بمنتهى البساطه : ضحكت عشان انتى فرحانه انك من الاخوان

قلتلها مش فاهمة قعدت بقه فهمتنى واتكلمت معايا كتييييييييييير عن الجماعات والسلفيه وووو

وسبحان الله كان اول مره برضه اعرف الكلام ده

وروحت وانا مصدومة...... وفضلت كذا يوم دماغى هتنفجر من كتر التفكير

وبعدها اتصلت بيه وقالتلى تعالى معانا الاعتكاف فى المسجد الفلانى

طبعا طبعا خوفت ومروحتش

وجريت على بلدى ومرجعتش غير بعد العيد

رجعت تكلمنى تانى وعزمتنى على الغدا وبعد الغدا قالتلى فى درس للشيخ فلان انهارده تيجى معايا

والشيخ ده كان من طلبة الشيخ مصطفى العدوى

روحت معاها ولما بدأ الشيخ لقيت كل الاخوات ماسكين اقلام وعمالين يكتبوا ورا الشيخ ومفيش ولا واحده رفعت عينها من على ورقها وبدأت اسمع الشيخ وكان درس فقة "فقة الحج"

وطبعا مفهمتش اى حاجه ومعرفتش اكتب ورا الشيخ اى حاجه

بس كنت مستغربه اوى اوى

ناس غير الناس ودنيا غير الدنيا ولقيت فرق كبييييييير وغريب بين اخوات الزقازيق واخوات بورسعيد

وتانى يوم روحت معاهم درس عقيده فى معهد اعداد الدعاه

وقعدت قارنت بين درس هنا ودرس هناك والحال هنا والحال هناك

ومن هنا كانت البداية

والحمد لله تركت الاخوان وسلكت طريق طلب العلم الشرعى

وبدأت طريق الاستقامه ولله الحمد


وبدأت معاناتى مع النقاب

ابويا وامى كانو زى كل الناس اياميها

كانوا متاثرين بالاعلام دا غير الجهل دا غير مشايخ التلفزيون والكلام ده

المهم حبيت البس الخمار "واخدين بالكم الخمار"

طبعا ابويه بهدل الدنيا وقطع الخمارات اللى اشتريتها وقلب البيت كله

نشفت دماغى ومسكتش غير لما لبست الخمار

بس كنت على قد ما اقدر احاول مظهرش فى وشه

اصله كان بيتعصب اوى اوى ويتحرق دمه لما يشوفنى لبساه

دا غير بقه التغيرات اللى جايه مع الخمار

مبسلمش على رجاله مبسمعش اغانى مبقعدش معاهم اتفرج على التلفزيون...... والكلام ده كله

كان جديد فى بيتنا... جديد فى بلدنا كلها

طبعا كنت فى نظر بابا اتحولت لارهابيه وانضميت لجماعه من الجماعات والكلام ده

طبعا كان نفسى البس النقاب بس كان مستحيل اعرض على بابا الكلام ده

وفى الوقت ده قدر الله انى سقطت فى الكليه

وطبعا بابا ربط ده بده على طول وفعلا كانت من اشد الايام فى عمرى

روحت محوله من القسم دخلت سنه اولى من تانى بس بحريه

وساعتها خلاص عرفت ان النقاب فرض واتاكدت من كده وخلاص لا يجوز انى امشى سافرة الوجه

فقولت لبابا عايزه البس النقاب

متتخيلوش البهدله اللى اتبهدلتها عشان عايزه البس النقاب

بابا ضربنى ضرب غريب الشكل لدرجة ان جسمى كله كان معلم

وشال الشرايط كلها رماها فى الزباله والكتب كلها حرقها وكل الخمارات قصها بالمقص والجونتيات كمان وحبسنى فى البيت لحد معاد السفر

سافرت للكليه وان خلاص كأنى طالعة من المعتقل حبس وتعذيب وقهر نفسى

طب وبعدين لازم حل مينفعش اخرج فى الشارع بوشى اعمل ايه

توكلت على الله ولبست النقاب

بس من غير ما حد من اهلى يعرف طبعا

رجعت فى اجازه من الاجازات وكان لازم اخويا يعرف لانه هو اللى بيسافر معايا

وربنا يصلح حاله ويبارك فيه ويرزقه الفردوس الاعلى وقف معايا وساعدنى

كنا نسافر بليل متاخر ولما نوصل اخلع النقاب فى الشارع قدام البيت وارميه وسط الشجر وادخل البيت وافضل محبوسه او حابسه نفسى طول الأجازه لحد معاد السفر اخرج وانا شايله النقاب فى استك الجيبه تحت الخمار ولما ابعد عن البيت شويه اطلعه البسه فى الشارع

وفضلت لبساه على الحال ده 4 سنين

عارفين يعنى ايه اربع سنين

اربع سنين بدخل واخرج زى الحراميه

وطول الفتره دى طبعا بطلب العلم الشرعى وكمان فى الاجازات لما اروح عند بابا كنت اجيب المجموعات العلميه واقعد افرغها كتابه

وطبعا طول الأربع سنين دول كل فتره اطلب من بابا انى البس النقاب ويرفض

وقفشنى فى الاربع سنين كذا مره

وكنت لما بتقفش كان بيبهدلنى

والله مره من المرات فضل يضرب فيه لحد ما اغمى عليه من الضرب

وتعبت خالص واتنقلت المستشفى

واخواتى قالولى انه حتى بعد ما اغمى عليه فضل يضربنى لحد ماشالونى من قدامه

وطبعا هو كان فى الايام الاخيره حاسس انى لبساه بس مش عارف يعمل ايه

فكان منكد عليه لو لقى المطبخ مش نضيف يدخل يدينى 4 اقلام على وشى

لو حاجه اتكسرت يقوم يضربنى

كنا 6 اخوات محدش كان بيضرب غيرى

والله حتى لما حد من اخواتى يغلط انا اللى كنت بضرب

وسبحان الله بعد 4 سنوات مكن الله ليه

بس الحمد لله فتح الله عليه "بس دى قصه تانيه خالص وطويله"


وعلى فكرة ده مش حالى لوحدى

والله انا واكتر من 10 اخوات غيرى كنا فى عذاب

واى عذاب.. بهدله واهانه وطرد

والله فى اخت كانت من الفلاحين وكان ابوها بيبيتها على السطوح "سطوح فاضى خالص"

وفى عز البرد ومكنش بيطلعلها اكل خالص

وفى الاخر تظاهرت بالاستسلام ولبسته فى السر برضه


واخت كان ابوها محامى وكان مبهدلها بجد وقالها لو مخلعتهوش شوفيلك حته تانيه عيشى فيها وهى راجعه من الكليه راملها شنطتها وطردها وقالها متجيش هنا تانى

وفى الاخر برده لبسته من غير ما يعرف


والله كان اشبه بكفاح

كنا اكتر من 10 كلنا لابسينه فى السر وكلنا كانت لينا قصص لو قعدت احكيها مش هيكفى

وكلنا شفنا ايام محدش شافها


المهم زهق بابا من اللى بيعمله فيه وفقد الامل فى انى اتغير وبقه يعمل نفسه مش عارف انى لابسه النقاب

وفضلت سنتين لبساه وهو عارف بس عامل نفسه مش عارف

وفى السنتين دول عرفت اطلع من بيت بابا واخرج وازور الاخوات والحمد لله فتح الله عليه باب الدعوه وفضلت السنتين دول اعلم الاخوات اللى اتعلمته فى بورسعيد

والحمد لله نشرت المنهج السلفى فى بلدى

ووضعت اقدامهن على الطريق

وشرحت لكثير من الاخوات كتاب الثمرات الزكيه فى العقائد السلفيه للشيخ احمد فريد

مع شوية فقه مع مصطلح واصول فقه

وده كان حاجه كبيره فى بلدنا لان بلدنا مفهاش علم شرعى خااااااااااااالص


والحمدلله بعد 6 سنين من النقاب من الله عليه بزوج صالح وتزوجت ورزقت ببنت

وفتح الله عليه والف بين قلبى وقلب ابى وفتح على ابى واهلى جميعا


سبحان الله 7 سنوات بالنقاب اولهن شدة واخرهن فرج....... وأى فرج والله

فعلا .. كلما ضاقت حلقاتها فرجت


وسبحان القائل

((الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))


وصدق تعالى حين قال
و من يتق الله يجعل له مخرجا و يرزقه من حيث لا يحتسب


معلش حاجة برة الموضوع

بالله اى واحد عنده بنت او اخت أوعى تغربها

ولو ايه الاسباب

خليها معاك احسن عشان تحافظ عليها

منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة ثبات عجيبــــــــــــــــة لفتاة فى الكلية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة اسود الاسلام :: المنتدى الاسلامى :: كتب وكتابات اسلامية :: كتابات اسلامية-
انتقل الى: